متاجر — تصميم وبرمجة متجر إلكتروني من الصفر
متجر ملكك: تصميمك، وقواعدك في الأسعار والشحن، ودفع عند الاستلام أو أونلاين، ولوحة تحكّم تدير منها كل حاجة.
- المكان
- المنيا، مصر
- مشاريع لـ
- مصر والخليج وأوروبا
- اللغات
- عربي وإنجليزي
- الردّ
- خلال 24 ساعة
اللي هتاخده
للبراندات والمحلات وأصحاب الشغل اليدوي اللي كبروا على البيع في الرسايل، أو محتاجين حاجة المنصّات الجاهزة مش بتعملها: مصمّم جوّه المتصفّح، أو حجز بعربون للقطع اللي بتتعمل بالطلب، أو تسعير خاص.
- كتالوج منتجات بأقسام واختيارات وعروض
- سلّة ودفع عند الاستلام أو بالكارت أونلاين
- تتبّع الطلب لعملائك
- لوحة تحكّم للمنتجات والطلبات والعروض والكوبونات والتقارير
- عربي وإنجليزي، والأسعار بعملتك
- حجز بعربون للمنتجات اللي بتتعمل بالطلب
شغل من نفس النوع
بنشتغل إزاي
-
قولّي محتاج إيه
على واتساب أو من الفورم. بسألك الأسئلة اللي بتحدّد المشروع: لمين، ولازم يعمل إيه، ومحتاجه إمتى.
-
نتفق على الخطة
بنتفق على اللي هيتعمل والسعر وميعاد التسليم قبل ما الشغل يبدأ.
-
التصميم وبعده الكود
بتشوف التصميم الأول، ولما توافق عليه ببرمجه، وبتتابع الشغل أول بأول على لينك معاينة.
-
الإطلاق وبعده
بنزّله على الدومين بتاعك، وبسلّمك لوحة التحكّم، وبفضل معاك بعد ما ينزل.
أسئلة بيسألها العملاء
أعمل متجري على سلة أو شوبيفاي ولا أبرمجه من الصفر؟
المنصّات الجاهزة بتبدأ بسرعة، بس بتدفع كل شهر وبتشتغل في حدودها. المتجر المبرمج بيتكلّف أكتر في الأول، وفي المقابل بيبقى ملكك وبيعمل اللي شغلك محتاجه بالظبط. ولو منتجاتك بسيطة ممكن المنصّة تكفّيك، وهقولّك ده بصراحة.
المتجر ينفع يقبل دفع بإيه؟
الدفع عند الاستلام، والدفع بالكارت عن طريق البوابة اللي تناسب بلدك. ربطت قبل كده Mollie في أوروبا، و Moyasar و Tap و PayTabs و NeoLeap في السعودية.
أقدر أضيف المنتجات وأعدّلها بنفسي؟
أيوه. المنتجات والأسعار والعروض والطلبات كلها من لوحة التحكّم بتاعتك.
المتجر بيتكلّف كام؟
على حسب عدد المنتجات والمميزات زي الدفع أونلاين أو تتبّع الطلب. ابعتلي محتاج إيه على واتساب، وهردّ عليك بأسئلة أو بعرض سعر واضح.
عايز متجر إلكتروني ملكك؟
قولّي محتاج إيه، وهردّ عليك في خلال 24 ساعة.